離開阿根廷後，喺意大利張櫈都未坐熱就要再起程。Nothing’s is impossible 呢句說話已成為我座右銘；世事無常，一個屈尾十，估你唔到，連我同意佬都覺得邪爆，上年兩個誓神劈願話唔會再返嚟做嘢，居然剛好離開咗一年之後，今日我哋兩個又返咗嚟呢片黃土～埃及！
一個南美一個北非，由飲食到人格，唔洗問阿貴都知兩個國家差異極大。依家有時暗暗都想念住阿根廷入口即溶嘅眼扒嫁，但最令我唔捨得嘅，始終都係佢......
大家同姓同齡，性格又夾到爆，鍾意食嘅嘢最愛香水品牌（利申絕無廣告成分）甚至同老公相處之道都離奇地好鬼相似。雖然我同呢個中國小婦人冇血緣關係，但好傾到曾懷疑其實我哋有同一個曾曾曾祖父呢！
初來報到嘅我唔識西文，買餸買廚具啊、身體檢查啊...通通都係小婦人陪著我東奔西跑又做埋翻譯。後來我西文有所進步，利用課餘時間幫佢補習西文文法。知道我返學時間長，佢間中又會整吓飯盒俾我帶返學食。
朋友間唔需要門當戶對，但一定要同舟共濟。離開香港後，意料之內，距離遠咗，惜日嘅朋友圈逐漸縮小，以往經常發訊息噓寒問暖的朋友越減越少。曾經黯然失落，覺得一下子失去好多曾經熟悉的聲音，不過日子耐咗，反而漸漸令我領悟到箇中原因。
所謂患難見真情，有些人對你恭維不離口，整日圍住你轉圈的，不一定是真正的朋友。喺你順風順水時不去奉承你；喺你有需要時，默默喺背後支持你幫你做事的人，方稱之為真朋友。
呢個世界咁大，今日遇見的人，明天都唔知會在哪裏。好感恩去到地球南端，都能交到知音好友！小婦人話等佢20年回鄉探親時，順道去香港兜個圈嚟探我～嘻嘻，仲有幾日就2019啦！期待再與南美的中國人小婦人相聚☺️
#NothingIsImpossible
#埃及緣份未了
#MyDearestInArgentina
Search